யாழ்ப்பாணம் – நெடுந்தீவு பகுதியில் உள்ள வீடொன்றில் இருந்து சனிக்கிழமை (22) வெட்டுக் காயங்களுடன் சடலங்களாக மீட்கப்பட்ட ஐந்து பேரின் பெயர் விபரங்கள் வெளியிடப்பட்டுள்ளன.அதன்படி, பிரித்தானிய பிரஜாவுரிமை பெற்ற 78 வயதான வேலாயுதம்பிள்ளை நாகேந்திர ரத்தினம், யாழ்ப்பாணத்தை சேர்ந்தவர்களான 82 வயதான நாகநதி பாலசிங்கம், 76 வயதான பாலசிங்கம் கண்மணிப்பிள்ளை, 83 வயதான கார்த்திகேசு நாகேஸ்வரி, 75 வயதான மகாதேவன் ஆகியோரே படுகொலை செய்யப்பட்டுள்ளனர்.இதேவேளை, குறித்த சம்பவத்தில் காயமடைந்த 100 வயதான கனகம் பூரணம் என்ற மூதாட்டி யாழ். போதனா வைத்தியசாலையில் சிசிக்சை பெற்று வருகின்றமை குறிப்பிடத்தக்கது
